「我未見過設計咁完善嘅船，入面有遊戲機中心、泳池同埋戲院，如果今晚可以唔返屋企留喺呢度瞓就好嘞！」十歲的阿寶喜形於色雀躍地說。日前，蘋果基金「童夢成真」行動獲麗星郵輪贊助「參觀獅子星號郵輪」活動，免費招待逾一百二十多位貧窮學童及其家長登上豪華郵輪，度過一個歡愉的下午。
甫登上船，參觀者的視線皆被郵輪的豪華裝修及設施吸引，小朋友的嘩然聲更是此起彼落，紛紛嚷着要拍照留念。活動開始時，穿着水手裝的船員帶參觀者參觀船上的周圍環境及各項設施，包括：遊戲機中心、戶外水上樂園及餐廳等。接着他們便到餐廳品嘗自助茶點，而壓軸的活動是安排小朋友參加一連串的集體遊戲，包括有獎問答及大跳ParaPara舞，小朋友捧腹大笑之餘，亦滿載而歸。
「諗唔到隻船原來係咁豪華，呢度真係好靚，環境又舒服，如果唔係有人贊助我哋嚟，我諗自己呢一世都冇機會上嚟。」阿寶的媽媽王女士笑瞇瞇地道。
四十二歲的單親婦王女士自去年與丈夫離異後，和兩名女兒相依為命，領取綜援金過活，經濟緊絀，每月扣除基本的伙食開支後，連購買參考課本給女兒的餘錢也沒有，更遑論帶孩子出外遊玩。每逢假日她只會與孩子到附近的公園遊玩，或者參加社區中心舉辦的免費活動。
「知道可以嚟呢隻船參觀，兩個女成晚都興奮到瞓唔着，細女重成日問我係咪天光就出發去玩，今日我哋真係好開心。」依偎在媽媽身旁的四歲阿兒，亦流露驚歎的目光向記者表示：「隻船真係好大好靚呀！」
那邊廂的譚太，帶同四名年齡三歲至十歲的子女出席。「今日好難得，可以帶幾個仔女出嚟見識吓，我重特登同老師講人情，畀幾個細路早啲放學，趕嚟參加呢個活動。」譚太一家六口，原本住在木屋區，早前才獲編配一個公屋單位，生活環境稍稍得以改善，惟原本從事地盤工作的丈夫已失業多時。「𠵱家我哋暫時都係靠綜援金生活，基本上唔會餓親，但娛樂就當然冇我哋份啦！」
身旁的長子強仔亦禁不住對記者說：「係啦，媽咪平時淨係帶我哋去公園，我喺電視見過獅子星號，好想嚟好耐，今日終於夢想成真！」
是次獲招待的一百多位貧童及家長，分別來自寰宇希望兒童希望中心、香港婦女勞工協會及城市睦福團契。
「童夢成真專戶」捐款編號：C0121
暖流熱線
電話：29908688
傳真：23702192
電郵：
網址：