無綫台慶劇《談判專家》將於下周一（十八日）首播，昨日劇中演員郭可盈、張智霖和歐陽震華等，齊往紅磡海逸酒店出席記者會。
郭可盈右腳打上石膏，並由助手攙扶走動，她表示上周在家落樓梯時不慎跌倒，她說：「好彩林文龍揹我去睇醫生，醫生話我腳背有兩節骨裂咗，第一、二日係痛到行都行唔到，𠵱家好番好多，石膏要過多一至兩個月先拆得。𠵱家隻腳成隻豬蹄咁，都算好兆頭，腳頭好。」
此外，《談》劇與袁詠儀主演的亞視新劇《法內情2002》同時段打對台，問張智霖會否支持女友？他說：「我梗係叫朋友睇《談判專家》，冇辦法，各為其主。今次收視有四十點我會買一百隻大閘蟹，請大家食。」
採訪、攝影：汪正文