香港城市大學噚日舉行畢業禮，「電器大王」蒙民偉獲頒榮譽社會科學博士學位，七十五歲嘅蒙博士係信興集團主席，唔少香港人屋企嘅電器大部份都係由佢代理。
但佢一向作風低調，若果唔係先排同結婚四十四年嘅老妻離婚，就五十億元嘅財產分配問題而鬧上法庭，上晒港聞版，一般人都未必認識佢。
城大頒榮譽博士學位畀蒙民偉係表揚佢喺社會服務方面嘅貢獻，佢成立嘅信興教育及慈善基金自八四年至今已經喺香港同內地捐咗二億元，中國科學院紫金山天文台為咗表揚佢，喺九六年重將一粒小行星命名為「蒙民偉星」。
（圖）獲城大頒授榮譽博士學位嘅三位傑出人士，包括邁爾斯布蘭德博士（左一）、蒙民偉博士（左二）同曲格平教授（右一）。
傳真︰2623-9278
電郵︰