特區政府乜嘢都會搞，就係從來唔肯搞吓政制發展，不過班議員邊有咁易放過佢哋吖，噚日劉慧卿就喺立法會問政制事務局局長林瑞麟，會唔會喺○四年前改革，以往林瑞麟答親呢類問題都係一個標準答案，搞到班議員悶到唔想聽，但阿林局長可謂知恥近乎勇，今次來個大改革，以擦鞋代替答問題，係咁大擦班功能組別議員做到嘢，人才輩出，由周梁淑怡、李柱銘（馬丁當年選過法律界）擦起，連張文光、葉國謙、劉皇發都有份。
呢招「不恥下擦」搞到班民主派哭笑不得，但難免掛萬漏一，冇俾佢提到嘅麥國風就話局長令佢好傷心，成班人立刻哄堂大笑！但林局長千擦萬擦，冇理由唔記得擦寶哥哥鞋，佢個界別人數係小，但假假地代表香港銀行，手執幾千億資產，局長有乜理由漏咗佢？
傳真︰2623-9278
電郵︰