白鴿黨主席馬丁同黨員涂謹申噚日起程去布魯塞爾，開始訪歐講《基本法》二十三條嘅行程。阿涂去到倫敦準備轉機嘅時候，見到有遊戲機打，即刻急不及待換錢，雖然佢打嘅係香港好耐以前已經見唔到嘅波子機，但係都玩得好興奮。
但係馬丁去到布魯塞爾，突然發覺唔見咗之後幾站嘅機票，點知轉頭阿涂喺自己行李入面搵到「失物」，原來喺香港Check-in之後，地勤姐姐將佢哋機票放埋一齊。
講開Check-in，原來𠵱家去英國上機前都要盤問一番，要答一連串問題，之後地勤要打一個電話報告：「一個中國籍女士，××歲。」
乜咁似警察做嘢嘅？地勤姐姐之後重要問好多嘢，最後八方嘅同事惟有「撻朵」，話係同馬丁一齊。地勤姐姐話因為有好多港人有去冇返，所以要查得小心啲喎。
傳真︰2623-9278
電郵︰