被譽為越野車界勞斯萊斯級數嘅越野路華RangeRover,一直遲遲未見有新車抵港。然而,亞Mark最近收到風,話首部新車會響今個月尾正式抵埗;之不過,由於僅此一部,加上早已被識貨之人認購嘅關係,所以一眾Fans除咗可以響Lanuch近距離接觸到部車之外,就連一眾香港汽車傳媒,亦只可以遠觀而唔可以試車㗎!早前;亞Mark提過話部車定價係98萬8千,包括三年Warranty同FreeMaintenance,若然你唔要後者三年FreeMaintenance的話,車價都不過係91萬8千咋!多一個選擇又真係諗得過㗎!據知,代理會擇日響12月5日,喺淺水灣舉行新RangeRover首展,有興趣嘅Fans,記得聯絡Sales安排睇車喇!