劉德華日前去了商台「小茶煲工作坊」，接受十六位小朋友訪問，以測試他們的訪問技巧。小朋友問華仔入娛樂圈後是否要犧牲自己的健康，華仔笑說：「有時因為要做嘢所以會唔記得食飯，未入行前我估自己會有六呎一吋高，但係入行後因為食無定時，所以𠵱家唔夠高。」
小朋友問華仔入行後最難忘的事，華仔說：「第一次同fans簽名，手都震埋。記得當年拍第一部電視劇係做一個黑社會人物，叫做阿龍，當時喺一個公開場合，有個女仔問我攞簽名。」
華仔續說：「我都想呼籲吓，如果呢個女仔重keep住我個簽名，希望佢可以攞畀我睇，睇吓當時我有冇簽到唔似樣，當時我真係非常感動，永遠難忘。」