最近印尼恐怖襲擊，再加埋喺香港拉咗三個涉嫌同拉登組織有關疑犯，再令人關心究竟香港會唔會係恐怖分子襲擊目標呢？噚日政府就向喺政府總部有辦事處嘅議員，發出一份指引。
其實同一份指引，一班喺政府總部同美利大廈返工嘅高官，喺今個月一號已經收到，內容係教大家點樣處理懷疑炸彈、生物、化學同輻射攻擊，叫佢哋發現乜嘢可疑物體，要第一時間通知部門保安主管，安排疏散；重列埋疏散程序，包括要處理好所有機密文件、同埋疏散後集合地點。
有議員話「九一一」後佢哋都收過份類似嘅文件，但之後就冇見再出，今次又再發過，係因為印尼襲擊，定係政府收到其他「風」，要防患於未然呢？
傳真︰2623-9278
電郵︰