澳門香車唔夠美人揮<br>張燊悅派相Fans互撞鬥搶

澳門香車唔夠美人揮
張燊悅派相Fans互撞鬥搶

張燊悅與無綫藝員唐寧日前同赴澳門,為車展擔任表演嘉賓,同場舉行攝影比賽,惹來數十名拍友舉機狂影。當二人大派簽名照給現場觀眾時,有拍友為搶相用相機撞人,情況十分混亂。

張燊悅與唐寧日前同往澳門,為日產車展任表演嘉賓。主辦單位展出六架新車,又安排六位分別穿上露背裝、露臍裝及短裙的女模行catwalk,養眼程度更勝張燊悅和唐寧。

保安護駕離開
當日車展在室內商場舉行,吸引約二百多人圍觀。首先出場的唐寧穿上高貴晚裝行catwalk,然後輪到張燊悅演唱,更有香港fans拉隊到澳門為她打氣。
由於主辦單位同場舉行攝影比賽,現場有不少拍友帶同相機到來。當節目至尾聲時,唐寧和張燊悅大派簽名相給觀眾,豈料觀眾一擁而上,紛紛衝上台,其間有人用相機撞人,令場面一度十分混亂,幸好保安人員立即保護唐寧和張燊悅返回後台。

「周圍都係手」
事後張燊悅和唐寧均表示不知道有人以相機撞人,張燊悅說:「頭先啲人係咁衝埋嚟,我周圍都係手,淨係見到有個女仔俾兩個男人迫喺中間,夾住個女仔條頸。」唐寧亦說:「我都見到嗰個女仔俾人迫得好緊要,頭先係有少少亂,但係冇乜嘢呀,啲人熱情啫。」
記者朱芷瑩澳門直擊