亞洲協會每隔一段時間就會舉行一次午餐會，但八方噚日去到該會舉辦嘅午餐會，發覺特別星光熠熠，出席嘉賓好多猛人，例如律政司司長梁愛詩、民政事務局局長何志平，商界猛人就有華懋集團主席龔如心、新鴻基地產副主席郭炳聯、合和主席胡應湘、地鐵主席蘇澤光、太古主席何禮泰、滙豐亞太主席艾爾敦、電盈副主席袁天凡同國泰董事陳南祿等等，當然唔少得身為協會會長嘅恒隆地產主席陳啟宗。
雖然話亞洲協會好夠面子，都邀得一些有份量嘉賓出講，但咁多勁人出現，絕對唔簡單。八方打聽之下，原來噚日同時係日本亞洲文化協會四十周年紀念，因此大會請咗響噹噹嘅新力集團總裁安藤國威出任演講嘉賓，因此成班大粒佬群起捧場。八方重見到，郭炳聯邊聽安藤演講，邊做筆記，非常留心，看來值回票價。
﹙圖﹚電盈副主席袁天凡都去聽安藤演講；剪短頭髮嘅佢睇上去後生咗。
傳真︰2623-9278
電郵︰