羅嘉良現正身在上海拍攝無綫電視劇《衛斯理》，但日前他卻不慎撞傷右腳，做了好幾天「鐵拐李」。
昨日羅嘉良接受本報記者長途電話訪問時說：「嗰日（受傷當天）拍一場打戲，講唐文龍同個武師對打，我就喺中間分開佢哋，但唔小心踢中武師把刀柄，結果成個腳背腫咗。返到酒店之後，啲工作人員就幫我捽跌打酒，但我都拐咗幾日腳，做咗鐵拐李。」羅嘉良還表示，他在上海曾拍一場在煤氣火車上對打的鏡頭，由於火車一直開動，加上他本身畏高兼平衡力差，故拍攝時驚險百出。
不過羅嘉良在上海拍戲之餘，亦懂得享受，他說：「我哋成班人都有做穴位按摩，我哋重喺嗰邊買羽絨同埋周圍搵嘢食㖭。」
採訪：朱芷瑩