雖然本地流動電話商成日話未來嘅流動電話市場，將以發展流動數據傳輸為主，但大家講緊嘅不外乎相片、圖片傳送等多媒體短訊服務（MMS）。
不過，八方噚日收到新世界傳動網嘅風，其新招相當實用。
話說佢哋為兩公婆都要返工搵食、又擔心屋企嘅家庭度身訂做咗一項服務，叫「智顧家」，等大家可以利用手機上網，連接家中嘅Webcam，睇到屋企即時情況，咁就可以放心將細路交畀菲傭湊，自己實行二十四小時全天候監察，家傭要偷懶都好難。
呢個服務要幾多錢？首次登記費為一百元，其後每月月費十元，每次收費則介乎五至十元，視乎時間長短，貴唔貴就見仁見智啦。
傳真︰2623-9278
電郵︰