【記者盧文烈報道】酒樓搶客手法層出不窮！面對部份食肆相繼推出特價套餐及超值飯盒，開業三年的新豐海鮮酒家決定高喊「減價不如回贈」的口號，由後日起一連七日向長者顧客派發領米證，計劃合共派贈七百包米，實行大打「敬老溫情牌」。酒樓負責人強調，派米回贈總好過盲目跟風減價。「唔通好似銀行咁，減到零利率咩。」
位於油麻地的新豐海鮮酒家，約有三成顧客為六十五歲以上的長者，為慶祝開業三周年，由本月十五日至二十一日，向持長者卡的顧客派發領米證，每日派發一百張，持領米證者可於本月二十二日及二十三日下午五時後到酒樓換取一包兩斤重的泰國香米。若反應理想，派發數目可能增加。
酒家董事經理湛耀明昨對本報表示，鑑於本港經濟前景暗淡，故希望透過今次派米行動，「畀啲暖流同人情味畀老人家」，並藉此向一些發動減價戰的同業作出無聲抗議。「如果一味減價，食物質素一定得唔到保證，最後未必益到食客，倒不如派米重實際，等老人家可以食飽啲。」
湛耀明又指，業界割喉大減價並非長遠之策，他們絕對不會跟風。「大減價唔做得幾耐，咁樣以本傷人，成本太大，長時間咁減法，金礦都頂唔住啦，敦煌酒家就係一個好例子，唔通好似銀行咁，減到零利率咩。」該酒家經理伍志榮補充，除派米回贈外，酒樓近期又推出多款健康菜式吸引顧客。