中大EMBA（行政人員工商管理碩士課程）躋身英國《金融時報》全球二十大位置，重連續第二年喺亞洲區排名最高，噚日大搞慶祝會。除咗金耀基、林李翹如等人，電盈副主席張永霖亦有到，因為張副主席為中大MBA課程兼任教授。
張永霖見到林李翹如好興奮，話自己當年讀聖士提反女校預科時，林太係佢老師。不過林太就話冇教過張總，張總即刻補充，「佢係我太太Amenda嘅班主任。」
其實林太對張永霖呢位屬於第一批嘅女校男生仍有印象，重記得自己教過葉劉淑儀同王䓪鳴。張永霖對林太嘅印象係「好有威嚴」，聽到林太嘅高踭鞋聲，就已經走都走唔切。睇番資料，張永霖比葉劉早一年入港大，兩人應該做過同學，唔知當年嘅葉劉係咪都「好有威嚴」呢？
﹙圖﹚張永霖搭住三十幾年前嘅中學老師林李翹如膊頭，拉埋十幾年前喺政府中央政策組認識嘅金耀基合照。
傳真︰2623-9278
電郵︰