香港跟隨美國減息，紅簿仔實際係零息，好多人牙痛咁聲；其實咁已經唔算慘，如果美國唔係減而係加，咁香港就大鑊。
聯繫滙率嘅副作用，諗起都驚。
近日係人都問有錢點算好；有錢都咁愁，真係香港人至有嘅特色。八方前兩日見到中銀國際副董事長林廣兆，就問吓呢位資深銀行家點睇？林副董有兩個建議。
第一係買債券，可以揀中長期嘅，息率會高一啲。八方即時想起，中銀好似冇代存戶買賣債券服務噃。
林廣兆第二個貼士呢，就冇咁「客氣」，佢話中銀係一間好公司，又有息派；有錢可以諗諗做佢股東喎。
﹙圖﹚林廣兆建議大家諗吓做中銀股東。
傳真︰2623-9278
電郵︰