蘋果副刊真係好旺生女，同事間不論自己大肚抑或老婆大肚，幾乎十個有十個都係生女，不過個個都好開心，因為生女的話可以替她打扮一番咁話！但話說回來，女孩子的服飾又永遠都比男孩子的吸引，像我上次去深圳，就見到一些毛毛衫，據知今年冬季潮流興「毛」，所以就連童裝都唔放過！例如今次見到嘅毛毛衫，價錢雖不是深圳價，但最啱一些夠In的媽咪！
記者：彭彌 攝影：陳良
第一眼見到呢條牛仔裙，就驚覺深圳一啲都唔Out，牛仔裙的領位及鈕邊均布滿毛毛，絕對迎合今年的毛毛潮流，淺啡黃色的毛毛襯在藍色的牛仔布上特別搶眼，尺碼適合兩歲至六歲的小朋友穿着，售?120。
嫌牛仔質料太普通，呢件啡色毛毛褸又啱唔啱你心水，質料柔軟，摸上手軟綿綿，最適合小朋友嫩滑的肌膚，每件盛惠?158.4。
笨笨
地址：深圳市人民南路2002號佳寧娜友誼廣場207號舖
電話：(86)755-25182010
營業時間：10:30am-9:30pm