英皇3T小花早前接拍了林建岳所投資的賀歲片《當老鼠愛上貓》，三人在片中飾演張栢芝反串角色「錦毛鼠」白玉棠之姊妹，但最近3T卻齊齊被飛，導演陳嘉上解釋是檔期方面未能遷就，強調與傳聞中抵制英皇演員無關。
英皇3T小花鄭希怡（Yumiko）、劉思惠（Maggie）及蔣雅文（Mandy）早前曾透露會接拍一部賀歲電影，而這部戲正是由林建岳的寰亞娛樂開拍、陳嘉上執導的新片《當老鼠愛上貓》，但最近3T卻臨時被飛出局，而她們的角色將由內地演員頂上。
《當老鼠愛上貓》由劉德華（華仔）及張栢芝主演，栢芝在片中反串扮「錦毛鼠」白玉棠，而3T則飾演栢芝身邊的姊妹。日前華仔已趕赴內地拍攝外景，而3T原本亦應於本月中出發到北京拍戲，但她們最終被飛，昨日記者致電身處北京的陳嘉上，他承認3T的角色已改由內地女演員演出。
陳嘉上說：「係呀，因為佢哋好忙，而佢哋嘅角色戲份加重咗，如果用佢哋其中嘅一、兩個，我又唔係咁想，要度晒三個嘅期一齊拍，始終都係度唔到。我同佢哋都傾咗好耐，但個期唔得，套戲啲嘢又嚟得急，𠵱家我哋就搵咗幾位內地演員做。」
最近有傳聞指自從發生《東周刊》刊登女星裸照事件後，有人發起罷買英皇歌手唱片及罷用英皇演員，對此陳嘉上笑說：「我哋一定唔會咁做，今次絕對係個期嘅問題，同嗰件事完全無關。每個人聽邊個嘅歌同睇邊個拍戲，同藝人屬邊間公司根本冇關連。」
此外，3T前晚出席SpaceTwo公司的周年慶典時表示，稍後英皇會為她們舉行《少女夢飛行音樂會》。而Yumiko昨日接受港台訪問，提到成龍拍戲時燒傷了頭髮，問她可有致電慰問？她說：「我冇佢電話，Mani（指經理人霍紋希）話關於佢嘅嘢都唔可以答。」
採訪：朱芷瑩、陳梅香