經濟發展及勞工局局長葉澍堃噚日幫黃大仙騰龍墟主持抽籤儀式，本來政府幫失業人士創業，咁在場嘅人理應好歡迎佢；但係，葉局長一出現就俾幾百個等抽籤嘅人勁噓，點解？原來，大會安排公眾十點嚟，但就叫局長十一點先嚟，啲市民又唔知，所以以為局長遲到，一見佢就鼓譟！
唉，其實葉局長早咗十分鐘到㗎，但群情洶湧，葉局長只好默默忍咗佢，唔怪得佢黑晒口面！雖然俾人噓，但葉局長都話希望多啲呢類活動，幫吓失業人士。
（圖）葉澍堃噚日出席騰龍墟抽籤儀式時俾人噓，即時面黑黑。
傳真︰2623-9278
電郵︰