根據日本自動車販賣協會連合會所公布嘅數字指出，豐田Corolla經過七個月之後，於10月重登日本最高新車銷量嘅冠軍寶座；過去連續六個月佔據首位嘅本田Fit（即港版Jazz），以約二千部之差而敗於豐田Corolla之下。
據該會公布嘅數據顯示，Fit同Corolla喺今年年初已處於競逐狀態；但由四月開始，Fit便以約三千至六千部嘅差距，將Corolla壓於第二位，而與去年同月份相比，Fit嘅銷量亦較Corolla嘅約21.1%為高（達約26%）。另外，若以2002年頭10個月計算，Fit仍然以約兩萬部之差而領先Corolla。睇嚟豐田廠方若要Corolla成為今年嘅全年銷量總冠軍的話，就要加把勁先得喇！