因為一條《基本法》二十三條，搞到又係政務司司長、又係虔誠天主教徒嘅煲呔曾，處於政府同教區嘅夾縫之中，今次似乎比釋法嗰次更加麻煩。麻煩在𠵱家嘅主教係出名嘅反叛主教陳日君，二十三條立法建議出街冇耐，陳主教就公開講出對立法嘅憂慮，搞到煲呔曾要快快趣請主教飲下午茶傾傾。不過雖然大家各自立場都好堅定，但係都冇影響佢哋嘅關係。
好似噚日明愛醫院懷信樓開幕，煲呔去主禮，主教去灑聖水，大家見到面都好開心，煲呔一見主教重特別必恭必敬走埋去彎晒腰握手，好似學生見到校長一樣。
（圖）煲呔曾（右）同陳主教喺二十三條爭議聲中罕有地公開碰頭。
傳真︰2623-9278
電郵︰