中共十六大「開放黨禁」，容許資本家入黨，呢個消息搞到本地好多紅色資本家都心郁郁，而最興奮嘅，相信莫過於靠賣領呔發達到做咗「國家領導人」嘅曾憲梓。佢近日接受國內記者訪問時，大唱「沒有共產黨就沒有新中國，沒有共產黨就沒有我」，重話要做一個「不是共產黨員的共產黨人」，聽到八方幾乎跌咗落地。
八方心諗，乜做政協嘅職責唔係要嚟監察執政黨同政府，幫助佢哋管理好國家嘅咩？「金利來曾」做咗政協常委咁耐，咁恨入黨，唔通連自已嘅基本職責都唔記得？但可能好多紅色商人都人同此心，因為入咗黨，就有權，有咗權就有利，有利可圖，呢樣嘢啱晒資本家「合尺」啦！
傳真︰2623-9278
電郵︰