近排香港嘅負面消息好多，八方終於聽到一個好消息，就係美國傳統基金會今日會公布，香港再次獲評為全球最自由經濟體系。
呢個傳統基金會係美國右翼組織，好有地位，每年會根據一啲基本條件去評估唔同地區嘅自由程度，站喺佢哋角度，政府愈少干預經濟，該地區就愈自由，係一件好事。所以香港多年嚟都係佢哋認為最自由地區；但係九八年政府入市，該基金會九九年馬上將香港降級，二○○○年先重新成為第一，今年係連續第三年得獎。
據悉，傳統基金會今日公布結果之後，重會有一個私人午宴，招呼二十幾位貴賓，但八方暫時未知有乜嘢勁人出席。
傳真︰2623-9278
電郵︰