電視機上睇到啲土人喺荒山野嶺上圍住火圈跳舞，如今你都可以一嘗箇中滋味！上次到肯亞，去到SarovaMaraCamp住咗兩晚，其中一晚酒店安排咗一餐原野宴BushDinner。所謂原野宴，顧名思義係深入猛獸出沒地方，沿住原野宴範圍旁擺設火陣，火陣內嘅帳幕擺放食物，帳幕以外則放有餐桌餐椅，大火爐就放喺中間。未開始用餐時梗係例牌跳番part火舞，跟住就可以享受原野自助餐，用餐時除咗結他手從旁奏樂，亦不時會有酒店職員攞住長槍於周圍巡察，以防野獸接近營地。原來呢種好似富豪嘅生活，唔係富豪嘅我都可以親身體驗得到。
記者、攝影：朱維達
查詢：27350222（捷旅假期）