港台噚日假禮賓府宴請一班嚟香港出席公營廣播機構國際年會嘅各國代表，重請咗特首董建華主禮。不過，全場最矚目嘅重係揚名國際嘅女星楊紫瓊，明星即係明星，真係有效應嘅，就係吸引晒啲鏡頭同閃燈，問大會負責人點解請楊小姐，答案好直接，因為佢國際知名。
另一個受注目嘅賓客係嚟自阿富汗嘅代表，大家都好關心佢哋嘅情況，呢位Mobarez先生對八方話，佢哋國家歷史悠久，但經過長期戰火，實在要時間同各方嘅援助重組家園，搞好廣播事業亦係首要工作。其實搞公營廣播真係談何容易，最緊要係錢從何來？八方一啲嚟自澳門電視台嘅同行就大呼水緊，因為啲股東唔係好肯畀錢，呢鋪又要考何厚鏵嘅智慧啦。
（圖）楊紫瓊對川劇變臉大師出神入化嘅表演驚歎不已。
傳真︰2623-9278
電郵︰