十一月係喜慶月，單係下個禮拜，八方已經收到兩張帖，都係傳媒人喜事。禮拜二係梁天偉嫁女，早前已經報道過；禮拜五就到賈庭思同黃淑嫻拉埋天窗。
邊個賈庭思？就係DannyGittings；佢本來係《南華早報》社論主筆，一年前被裁，傳聞係因為支持林和立兼夾成日寫文鬧政府。佢讀咗個法律課程，重全英考試考第一，不過始終喜歡做新聞，冇執業，於是加盟《華爾街日報》。至於黃淑嫻，咪就係人見人愛嘅Candy囉，佢以前喺《信報》跑財經新聞，𠵱家去咗大摩。
Danny話，住喺上海嘅父母到時會南下觀禮，親友就會由英國飛嚟，蜜月會去毛里裘斯游水。聽到都開心。
（圖）張帖寫住請各友好到時去「見證我倆手挽手、共圓好事。」共圓好事？唔使大家見證啩？
傳真︰2623-9278
電郵︰