消費BestBuy：
細路仔秋冬外套今季玩毛毛暖笠笠

以前小朋友服飾只講求舒適，但現在除質地外，款式都要追趕潮流，今年毛毛外套就最Hit，加上顏色的配搭，着起型仔又暖笠笠，各位爹哋媽咪係時候揀番件畀小朋友過暖洋洋嘅冬天！
記者：黃婉冰
攝影：林柏鈞
ImageKid：Karina

女裝部
長毛過頭笠T恤(Guess)$265
尺碼：適合2-7歲
衫身用纖維做成的毛毛，驟眼看同啤啤熊的毛毛差不多，款式簡單得來特別，小朋友見到必定喜歡。企領可以令頸部同樣溫暖，後面頸位有小拉鏈，穿起來較容易。

拉鏈毛毛褸(Elle)$669
尺碼：適合3-12歲
着Fur不再是大人的專利，這件為小朋友設計的雖然不是真正動物毛，但質地非常軟滑，內裏有一層薄裡，令小朋友着得更舒服，白、紫兩色交雜，加上拉鏈設計，着起都唔覺老積。

毛毛冷袖小外套(Elle)$499
尺碼：適合6個月-12歲
略嫌皮草有點兒誇張，可另選這款衫身全是滑嘟嘟的毛毛，衫腳、衫袖是軟熟毛冷的外套，一件有齊冷衫與皮草元素，加上高領設計，薄得來亦有一定程度的保暖度，較適合不太寒冷的天氣穿着。

毛領羽絨中褸(Elle)$629
尺碼：適合3-12歲
羽絨較大路，但這件用上今季至Hit的粉色，加上衫身一格格的設計和毛毛領，衫身較薄但一樣夠暖，小朋友着起唔怕臃腫，一樣可以活動自如。

抓毛花花外套(Elle)$299
尺碼：適合6個月-12歲
這款抓毛外套款式較斯文大方，不會太花巧，最特別是兩邊冷手套形的袋位，設計獨特之餘又可以給小朋友暖手，配合同一款式的抓毛頸巾，圍在頸上比冷頸巾舒服。

花領碎花牛仔褸
(mimimomo)$558-$598
尺碼：適合3-12歲
這件牛仔褸花款多多，一層層的花邊衫領，加上衫身的碎花同流蘇裝飾花紋，令整件牛仔褸非常突出，着起夠晒入型入格，最適合小型女。

男裝部
男童過頭笠毛毛衫(Guess)$295
尺碼：適合2-7歲
男仔款毛毛V領過頭笠T恤，顏色深沉又Cool又有型，棉質做內裡，毛冷做衫領，全件軟綿綿，T恤款襯牛仔褲夠晒醒目。

字母抓毛拉鏈外套(Elle)$199
尺碼：適合3-12歲
話童裝都跟貼潮流一啲都無錯，Pattern同大人一樣玩塗鴉式亂七八糟英文字，花哩花碌夠晒搶眼，全件用抓毛做成，是型仔之選。

未洗水西裝牛仔褸(mimimomo)$458-$498
尺碼：適合6個月-12歲
西裝款牛仔褸加未洗水深色牛仔布，這件外套已集兩大至Hit元素於一身，右邊袋重有老闆兼設計師Pacino個卡通嘜頭，樣子Cutie，小朋友實鍾意。

毛毛袖牛仔褸(mimimomo)$398-$438
尺碼：適合6個月-8歲
近年興起間條款式WorkWear，小朋友衫都唔執輸，一於整番件間條牛仔褸，全件衫最特別是衫袖上有一條白色毛毛作點綴，還有口袋上似曾相識的Logo，夠晒煞食。

海虎毛麖皮背心(Elle)$329
尺碼：適合3-12歲
對毛毛敏感又想型，還有這款外層是麖皮，內裏是海虎毛的背心，海虎毛與羊毛的保暖度差不多，另有長袖款式，同樣斯文有型。

店名：EllePetite
電話：23698797
地址：尖沙嘴海運大廈012號舖

店名：GuessKids
電話：34228594
地址：銅鑼灣告士打道311號皇室堡2樓I室

店名：mimimomo
電話：21308183
地址：尖沙嘴新世界中心亞瑪遜P121舖