今日有3隻新股掛牌上市,相信市場焦點一定放在蜂蜂天然生命(8156)身上,皆因有大港股噚日跌189點,收報9580,成交略減至57.23億元。有傳聞話盈富(2800)開始為調整投資組合而沽貨,但近期港股成交太單薄,若集中在1日內調整投資組合,市場會大幅波動,所以要分段進行。阿虎覺得言之有理,不過新恒指成份股要到12月2日才生效,就算盈富要分段進行調整,可能亦冇咁早。
市場現正憧憬,一旦恒發(097)被私有化,港交所(388)與渣打(2888)其中一間會被納入恒指成份股之內。若以市值論,渣打市值逾千億,十倍於港交所,所以勝望甚高。加入市值880億元的中銀香港(2388)已引起港股震撼,若將渣打納入,盈富可能要沽更多藍籌股來調整投資組合,到時港股所受壓力更大。
麗新發展(488)最終將亞視股權賣甩,套現3.6億元,不過麗展盤數就愈來愈牙煙,一年內到期債務達24億元,流動淨負債增至逾60億元,真係睇見都心寒,最慘就係香港物業價格愈跌愈深,麗展唔知點樣翻身。
Cookie問阿虎,麗展重可唔可以博反彈?阿虎認為有錢不如留番暖吓個袋。
康師傅(322)噚日又傳出有好嘢益股東,結果升2.3%,收報2.225元。i師傅話,康師傅盈利增長唔錯,股價表現亦算理想,主要因為有基金客捧場。
此股今日將宣布季度業績,管理層當然唔想令基金客失望,諗住回饋捧場客,基金一般唔太欣賞只係派紅股及認股證,最好就係派高息。不過,康師傅會否再派高息,就要睇吓現金流量而定,暫時都好難講。若今次派息又唔理想,芬佬隨時會掟貨。
阿虎