上星期基督教團體大衞城文化中心發表咗一個調查，訪問咗三百幾對夫婦，有一成人話試過婚外情，推算落去全港就有成三十幾萬人有婚外情，情況都好嚴重。有見及此，大衞城文化中心噚晚搞咗個「香港夫妻節」，推崇一夫一妻、一生一世概念，除選咗三對模範夫妻外，重吸引近百對夫妻、情侶出席宣誓，話要愛對方一生一世，場面鬼咁溫馨。
八方咁八，當然走去了解吓，睇吓點樣可以同愛侶一生一世。主辦者吳振智牧師同八方講，做夫妻最緊要互相體諒同忍耐，咁先會長長久久。其中一對模範夫妻、結咗婚三十年嘅余頌平伉儷又同八方講，做夫妻最緊要坦誠，做乜嘢都唔可以呃對方，咁先至可以維持三十年，感情都不變。
（圖）三對模範夫妻趙明夫婦及女兒（左一至三）、林廣潤夫婦（左四、五）同余頌平夫婦一齊影相。 王子俊攝
傳真︰2623-9278
電郵︰