陳百祥（阿叻）與曾志偉一向老友，對於志偉早前遇襲，頭部受傷，阿叻言談間似乎知道內情，並力撐志偉，聲言與某人對敵，又自稱是老實商人。他此話一出，連曾志偉都不懂應對。
陳百祥、陳慧琳、陳司翰、張燊悅和關淑怡等，前晚在電視城錄影無綫遊戲節目《吾係獎門人》最後一集。
曾志偉介紹阿叻出場時表示，不知用甚麼名字介紹阿叻，此時阿叻說：「老實商人。」志偉聽後呆了一呆，阿叻即說：「我哋呢啲做生意嘅好老實。」
阿叻整晚的說話甚具挑釁性，他說：「一向拍親我嘅人都會贏，但同我對敵嘅人多數PK。我作為馬經版嘅人，只係知馬經版嘅事，但係一本刊物或報紙嘅主理人，點會唔知登啲乜嘢相？」
阿叻又重提志偉早前遇襲頭部受傷事件，他說：「其實之前兩個都係朋友，我同志偉、阿倫（譚詠麟）咁熟，得一條路去揀，我揀咗朋友嗰邊。但係佢就揀咗同我好朋友做敵人，我唔可以行過去佢嗰邊講『乜乜乜冇事㗎』，轉個頭又話畀志偉聽『唔關佢事，嗰日個電筒係唔小心跌咗落嚟』。不過如果第日水落石出，唔係佢嘅話，我咪企出嚟道歉囉！」
問志偉為何聽見阿叻自稱「老實商人」時一度接不上？他尷尬地笑說：「呢個節目老少咸宜，唔想提咁多嘢。」
此外，張燊悅前晚出場時，扮容祖兒新唱片咬士多啤梨的造型。結果她更勝出遊戲，獲現金一萬五千元和其他獎品。
採訪：卓寶花 攝影：陳慧安