上星期有人放風，指港交所行政總裁鄺其志無意留任，港交所主席李業廣開始物色繼任人選，與做過聯交所嘅滙豐投資行政總裁周文耀密斟。證監會已問過港交所，回覆是絕無其事。鄺總裁亦問過李主席，答案也一樣。
自從細價股事件後，鄺總裁嘅去留問題一直受到關注，不過從近期種種迹象所見，鄺總裁都唔似諗住唔撈。好似佢上兩星期發表聲明，高調反擊質疑港交所擁有上市審批權嘅大法官羅傑志；上星期佢又要求上市公司具名披露各董事薪酬，可見鄺總裁愈戰愈勇。知情人士話以鄺總裁性格，唔會自己投降，除非政府郁手。
傳真︰2623-9278
電郵︰