新一代Mini自推出以來，一直備受車迷追捧，而開篷版更係全球車迷嘅焦點所在；最近外國方面就有消息傳出，話廠方正落力研製新款Mini嘅開篷型號，並快者可望於2004年嘅日內瓦車展上現身㖭。
從相片中可以睇到，呢部新版開篷Mini嘅賣相，與現有硬頂型號一樣，但就換裝上大型嘅跑車合金胎軨，以及開關容易嘅軟篷頂組合，襯以黑色嘅輪拱，望落好有跑車Feel；然而，車廂配搭則會與現有型號相近，同樣以實用為主，暫時未知廠方會否為其作出改動，引擎亦相信會以一台1.6公升引擎作動力核心，以求有同樣出色嘅性能表現嘛。但由於新車仍在研製階段，故有待廠方公布有關資料後，方可作實；有興趣嘅車迷，就要拭目以待喇！