唔到又到,早前亞Mark曾經講過,話萬事得部全新Mazda2,會運嚟1.3公升同1.5公升型號,及至最近代理又話唔到部1.5公升版本,殊不知早兩晚,班Sales至知新車首展,同場兩款型號會一併推出。當中,Mazda21.3公升手波版賣唔使9萬,而頂級1.5公升自動波版就定價10萬幾,都算好合理,事關佢有齊HID大燈、15吋合金胎軨同尾定翼等裝備噃!之不過有口痕友同亞Mark講,話新版Mazda2就算點好賣,交車期都要明年一月,皆因正式輸港嘅新車唔係MadeInJapan,而係轉由西班牙製造,以符合廢氣管制同Mazda2出口歐洲嘅條件嘛!以十零萬嘅價錢,就可以買到部歐洲製日本車,唔知班車迷會否耐心一點等交車呢?