貴價飽魚不是人人可以當飯食，𠵱家經濟環境最多食吓鮑魚菇！最近翠亨邨就大搞新噱頭，一於將鮑魚平民化，推出一系列有創意的鮑魚新菜式，而且重喺未推出前，請了城中名人及幫襯了逾二十年的老主顧率先試新菜，實行一招拋磚引玉，在淡市中殺出重圍！
記者：陳冰麗 攝影：陳智良
用的是非洲即食10頭罐頭鮑炮製而成，價錢比較大眾化。帶有中西混合做法，鮑魚以雞汁、紅酒等燜足4小時，色澤金黃，試真味道，非常香濃，鮑魚肉爽而腍滑，不黐牙亦不韌，好有乾鮑的鮮甜味，整體評分，最受食客歡迎。
大廚強哥以四個月時間研究菜單及試味，炮製今次的全鮑宴，有來自日本、澳洲、南非等地的鮑魚，其中的一款紅酒雞汁燴鮑魚更被在場食客，包括名人麥翠嫻都評之好食又抵食，原來這款菜用的是罐頭鮑，味道同乾鮑差距不大，價錢卻比乾鮑平一截。
論鮮味，罐頭鮑雖然及不上乾鮑，要將較平的罐頭鮑做到有如乾鮑鮮味，強哥的對策是加入紅酒去燜煮。
「我煮鮑魚已經十幾年，試過加有辣椒、薄荷、檸檬、芥辣等唔同食法。以紅酒去煮，係我首創嘅新煮法，最令我估唔到嘅係呢款鮑魚竟係最受歡迎嘅一味。」
最多人鍾意紅酒雞汁燴鮑魚
小記同攝影師都試過，果然並非浪得虛名，食味有如乾鮑那種鮮甜味，而且又腍又爽滑，不為意還以為是乾鮑炮製而成。其實除了紅酒雞汁燴鮑魚外，還有多款菜式值得推介的，當中有李醫生推介的白汁鮑魚菠菜片兒麵，亦有老主顧一致認為炒得夠乾身的鮑魚野菌香稻苗，當然還有小記喜愛的精緻點心，包括鮑魚皮蛋酥、芝士鮑魚海帶布甸等等。
野菌包括有矜貴的羊肚菌、松菌、鮑魚菇，飯則是日本珍珠米，連同主角鮑魚粒一齊炒，入口煙煙韌韌。飯粒夠乾身，一點也不油膩。
帶有中西混合做法，一片片的片兒麵經滾油略炸脆，再配以上湯、鮑魚汁煨煮過，最後加上芝士、菠菜及切粒的鮑魚再焗，麵腍而帶爽，夾雜有鮑魚粒食，有雙重口感，李家仁醫生就極為欣賞呢個麵，貪佢夠惹味又營養豐富。
加有鮑魚粒的皮蛋酥即時變得矜貴一點，淨睇賣相與一般皮蛋酥無異，煙韌的鮑魚粒夾雜軟腍的皮蛋，一軟一韌有嚼頭，配合恰當，細細件一啖一口，夠晒香酥鬆化。
蘆薈有美顏作用，鮑魚又極具營養價值，雙重配搭已夠煞食，湯底還是用了以老雞及豬骨一齊熬足8小時而成的，湯鮮味甜，正好配合無味的蘆薈，以增加食味。
小記在場訪問了約50位食客，發覺過半數（共28人）都鍾意食大廚強哥新研製的紅酒雞汁燴鮑魚，下次嚟你識揀啦?!
後記：一間食肆開業二十八年已經非常難得，有幫襯超過二十年的熟客更難得，黎太、許女士、許太（左至右）是這裏的常客，她們稱幾乎視這裏為飯堂，一日有兩餐，包括下午及晚上也會在此進食。今次的全鮑宴專程請她們來試菜，亦是食肆的回饋心意，估不到香港也有如此溫情的場面，實在難得！
翠亨邨
電話：23762882
地址：尖沙嘴彌敦道132號美麗華商場地下
付款方法：現金或信用卡