六十五歲的鄭妙蘭患有先天性心漏症，病情每下愈況，除要依靠氧氣機外，年來更因為身體不適多次入院，情況令人憂慮。身體虛弱的鄭婆婆與患精神病的兒子相依為命，由於乏人照顧，萬一遇上意外，後果堪虞，貧困的她盼獲資助安裝一部平安鐘「看門口」。
記者日前聯同長者安居服務協會的職工探訪鄭婆婆，以了解她的需要，身材瘦削的鄭婆婆其間一直托着頭，倚在櫈子上，精神十分差。「我呢排成日都係咁，個人好攰，唔係咁精神。」鄭婆婆氣若游絲地說。
鄭婆婆自出娘胎以來，便飽受先天性心臟病困擾，近五、六年情況愈趨嚴重，除了要長期服用藥物外，更要借助氧氣機維持正常呼吸。「𠵱家每晚瞓覺都要開着部氧氣機，如果唔係，條氣會好促，唞唔到氣。」過去一年，鄭婆婆便多次因呼吸困難入院，無依無靠的她，每次都要自行報警求助。
「每次報警，我都要花好多時間同啲報案中心講我做乜事、有乜唔舒服、住喺邊度，唔精神重要講咁多嘢，梗係辛苦啦，但有乜法子，冇人幫到我。」鄭婆婆無奈說道。
鄭婆婆丈夫早年同因心臟病過身，兒子患有精神分裂症，非但不能照顧鄭婆婆，許多時還要鄭婆婆為他操勞。「以前老公喺度，都叫做有個照應，𠵱家得番個仔，佢自己都顧唔掂，兩餐都要我煮畀佢食。」
鄭婆婆有感自己的身體狀況欠佳，萬一發生意外，後果不堪設想，她遂聽從醫務社工的建議，考慮裝設一部平安鐘，以備不時之需，惟經濟拮据難以如願。鄭婆婆並非獨居長者，根據現行政策，她將不獲政府資助安裝平安鐘的費用，所有租機及服務月費均要自行承擔。
鄭婆婆歎道：「𠵱家我同個仔都係靠綜援金生活，交咗租，水、電、煤雜費之後，已經冇幾多得剩，每個月重要畀五百幾蚊租部氧氣機，一個月頭去醫院覆診嘅車費又唔少，我真係冇本事再租多部平安鐘。」
事實上，本港有不少像鄭婆婆一類個案，他們卻因為經濟困難，又不符合政府資格，而無法享用平安鐘服務。有見及此，蘋果基金特設立「平安鐘專戶」，透過滙集善長的捐款，資助有需要的人士安裝平安鐘。
「平安鐘專戶」捐款編號：C0650
暖流熱線
電話:29908688
傳真:23702192
電郵:
網址：