楊千嬅、馬浚偉、鄭希怡（Yumiko）、余文樂和盧巧音等，前晚在無綫電視城分別為兩集的《勁歌金曲》錄影，一身紅裙子打扮的Yumiko份外搶鏡。
千嬅前晚出現時疲態畢現，她說：「我已經三日兩夜冇瞓覺，呢排都為新片趕戲，遲啲又要拍廣告，我覺得自己好呆。但就未破我四日三夜冇得瞓嘅紀錄，我好擔心會患上『失眠恐懼症』，我好眼瞓，都瞓唔到。」
問千嬅跟梁朝偉拍攝賀歲片《行運超人》，可有被對方的電眼迷倒？她說：「可能我太眼瞓，近日同偉仔合作，佢情緒都冇異樣，佢係專業演員。」
此外，由於盧巧音要趕往錄影《吾係獎門人》，所以她在錄影完《勁歌金曲》後便匆匆離場，與前度男友余文樂並未有碰面機會。