Cookies前晚演出商台音樂會時，穿着新制服上場。成員Kary表演吹長笛搶鏡非常，令師姐何韻詩刮目相看，點名要與她合唱，而Kary在一對答環節中，更把另一成員Elaine比下去。
九人女子組合Cookies、陳曉東、何韻詩、陳慧琳和鄧健泓等前晚於紅館演出商台的「真正音樂會」，Cookies以露臍新制服上陣及獻唱新歌《宇宙最強》，成員Kary更全程吹奏長笛伴奏，贏得不少掌聲，十分搶鏡。
之後主持向每位歌手發問有關反盜版的問題，Cookies派出Kary與Elaine作代表回答提問，Kary答得頭頭是道，相反Elaine卻連普通問題都不懂回答，只呆立一旁，結果連師姐何韻詩也對Kary另眼相看，當阿詩與Cookies合唱時，她忽然拉着Kary，開心地說：「同你唱呀！」
事後Cookies的Miki及Stephy接受訪問，Miki說：「我哋唱新歌通常都會有新制服，今次首歌舞步難啲，不過都冇高難度動作。」對於商台電話投票新人組合暫由Cookies領先，Stephy說：「咁多人投我哋票，增加咗信心囉，不過我哋睇好Shine會得獎。」
Cookies稍後將與陳曉東合作，拍攝網上劇集《百分百感覺續集》。陳曉東提到《百》漫畫主筆劉雲傑讚他是飾演過Jerry的演員中，最神似的一個，東東說：「我之前喺北京撞到佢（指劉雲傑），佢咁同我講，我以為佢客氣，點知佢又公開咁講，好多謝佢。」
另外，黃柏高前晚陪同鄧健泓接受訪問，被問到何時過檔EMI時，黃柏高說：「我冇話過要去EMI，我𠵱家主力發展電影，同Ba叔合作開咗間電影公司，頭炮係《行運超人》，入EMI只係外界揣測。」
採訪：王連連 攝影：甄朝健