無綫和亞視今晚分別推出《齊天大聖孫悟空》及《法內情2002》兩套新劇，《齊》卡士強勁，難怪無綫近日沒有安排任何宣傳活動。反而亞視則連日安排《法》劇演員造勢，任港秀昨日更實行露「股罅」谷收視。
無綫和亞視不約而同於今晚推出新劇，無綫買下外購劇《齊天大聖孫悟空》於晚上八時首播，而亞視則以《法內情2002》迎戰，於晚上十時播映。
《齊》劇由飾演孫悟空的張衞健孭飛，並起用不少大卡士的演員客串演出，張衞健為了此劇大打友情牌，請來好友如許志安、鄭秀文、梁漢文及蘇永康出手相助，另外又有Twins和日本女星飯島愛等客串，實行以大堆頭增加號召力。未知是否無綫覺得該劇卡士陣容十分強勁，所以就算今晚首播，但連日來都沒有大事宣傳。
反而同是今晚推出的亞視新劇《法內情2002》，連日來作密集式宣傳，昨日又安排演員包括任港秀、袁詠儀、恬妞、李燦森、黃日華和該劇監製蕭若元等，坐花車巡遊旺角、尖沙嘴及銅鑼灣，吸引大批市民圍觀。
而任港秀昨日穿上低腰褲替市民簽海報留念時不慎露出「股罅」，似是要以性感誘惑谷宣傳。問到任港秀知否露「罅」時，她說：「吓？唔知喎，我以為前面露帶㖭，顧得前又顧唔到後，好彩我入面着咗條短褲仔。」
至於李燦森和袁詠儀除了在《齊》劇中有份演出外，在《法》劇中都有份參演，所以昨日宣傳時，李燦森被台上司儀取笑「雄霸兩台」，問李燦森有否擔心身份重叠？他說：「唔會，兩套劇都唔同時間播，兩套都有期望，不過我梗係支持呢邊（亞視）喇。」而袁詠儀則說：「我喺《齊》劇都唔重戲。」
採訪：汪正文
攝影：陳偉權