婦女銀袋賽歷史悠久，結果由最鍾意捧大獎之馬會董事榮智健隻愛駒「掌門」勝出，榮大董好興奮咁攬住練馬師愛倫，兩人互相恭賀，場面感人。
榮大董從亞運壁球金牌得主趙詠賢手中領取婦女銀袋獎項。榮大董好感觸咁同八方講，「掌門」自從前年贏完遮打盃後，馬腳傷得好嚴重，佢出名錫馬，佢唔忍心睇到「掌門」受痛楚，所以曾同愛倫講讓愛駒退役。不過愛倫同佢保證，會養番好「掌門」，所以今次「掌門」能夠贏馬兼捧盃，榮大董話要趁此機會向愛倫馬房手足同主理「掌門」嘅獸醫陳偉謙醫生等人講句多謝。
愛倫就話「掌門」能回復昔日風采，全靠馬房手足嘅努力同埋榮大董嘅支持，而此駒今季最大目標係下月二千米香港盃，希望屆時能替港人爭光咁話。
﹙圖﹚勝出婦女銀袋賽之騎師馬偉昌親吻頒獎嘉賓趙詠賢。左為榮智健。
傳真︰2623-9278
電郵︰