噚日婦女銀袋賽日，馬會為咗吸引更多馬迷入場，絞盡腦汁，除免費送贈精美閃石襟針給沙田馬場嘅馬迷外，更請來一班騎師，包括韋達、巫斯義、余健誠同鄭雨滇舉行簽名會，又請咗一大班練馬師太太着到花枝招展，角逐「最別緻帽飾獎」同「最佳服裝儀表獎」，重搵埋名模琦琦、藝人任葆琳同時裝設計師鄧達智做評判，結果韋達太太攞咗「最別緻帽飾獎」，而大摩太太就靚爆全場，奪得「最佳服裝儀表獎」。
馬會咁做無非係為今次賽事造勢，可惜效果唔算太理想，不少馬迷攞完紀念品後就離開馬場，並無大舉投注。據馬會公布，兩個馬場共七萬二千九百人入場，但係投注額則比上季同日少一億，馬會個如意算盤打唔響。
﹙圖﹚名模琦琦（右）頒獎畀勝出「最佳服裝儀表獎」嘅大摩太太。
傳真︰2623-9278
電郵︰