噚日浸會大學校友日，同時為新嘅學生宿舍開幕，校長吳清輝、校董會主席鄭慕智、陳祖澤、施祖祥及前任浸大校長謝志偉出席主禮。由於恒生利國偉嘅「偉倫基金」有份捐助起宿舍，所以浸大中人好多謝利爵士。
做咗三十年浸大校長嘅謝志偉，雖然去咗澳門大學做校董會主席，但重留意浸大嘅嘢。佢噚日就好勞氣咁叫張文光向浸大道歉，因為張文光批評浸大中醫專業文憑課程收生時，講明可以銜接學位，之後又反口。佢話，六月時申請者已經知冇得銜接。八方問番張文光，佢就堅持唔會道歉，因為四月份浸大真係以銜接學位課程為賣點大賣廣告，之後又冇個別通知學生。
（圖）謝志偉着上浸大職員親手繡上佢個名嘅風褸。
傳真︰2623-9278
電郵︰