記者上月曾經造訪阿明，當時二百多呎的新居家徒四壁。在本報呼籲及善長的熱心捐助下，現時一室已經集齊睡床、衣櫃、雪櫃、洗衣機、電飯煲等基本家具及電器，安樂窩漸成雛型。
「啲家具、電器都好啱用，𠵱家我只係欠一部電視機，同埋一個煤氣單頭煮食爐未有。一個人成日坐喺屋企好悶，所以想有部電視機打發時間；另外，如果有個煮食爐，我就可以自己煮啲簡單嘅嘢，唔使餐餐落街食，慳番啲錢。」
三十九歲的阿明，原從事飲食行業，兩年前因為一次意外，身體被嚴重燒傷，留醫接近兩年，早前獲准出院，並獲房屋署恩恤編配公屋。奈何燒傷初愈、依靠綜援金維生的阿明，連屋租上期按金及各項搬遷雜費也無力應付，蘋果基金曾撥款五千元予以協助。
阿明表示：「我都好多謝蘋果基金同各位善長仁翁，冇你哋嘅幫忙，我諗我都住唔到喺呢度。」 捐款編號：C0723
暖流熱線
電話:29908688
傳真:23702192
電郵:
網址：