多謝！多謝！要講多謝係有唔少熱心的讀者，睇完昨日的報道，即刻晨早撲去掃貨兼夾做善事，認真唔話得。今次義賣貨品以歐洲名牌禦寒服飾及皮具為主，兩日所得款項將會有25%撥捐蘋果日報慈善基金，由於貨色合用又可做善事，反應極之熱烈，據負責人講，未夠十點鐘的開門時間，門口已經有幾十人排隊，重要排到落後樓梯，當中最好賣係超筍價的皮褸同羽絨褸，名牌手袋的反應亦相當不俗。如果各位想掃平貨兼做善事，記住今日係最後一日啦！
記者：尹珊珊 攝影：林栢鈞
「一睇完報紙即刻趕來，覺得款式唔算太多，𠵱家諗住買呢件$399的雙面羽絨中褸，個價錢真係比第二度平好多。」不過按負責人回應，特賣場面積有七千呎，無論款式、牌子同顏色都比以往開倉多，其實花多少少心機揀便會找到。
地址：銅鑼灣羅素街38號金朝陽中心11樓
查詢電話：29703336
義賣日期：最後今日
時間：上午10時至晚上10時