一星期前，失戀已兩年的David忘記過去的傷痛，埋首經營燒烤場，並打破逢入塘福必租度假屋的傳統，運入大量五星級酒店燒烤食物及自製野味醬汁做招徠。雖然由市區入去需要個幾鐘，但計落就算四個人連車費埋單都只係酒店一個人的價錢，而且重可以感受吓五星級的郊外風情，下次唔使問：「今晚去邊度食飯啦?!」
記者：梁佩芬 攝影：陳陶鈞
兩歲時的DavidPowell，已開始跟做飛機師的爸爸周遊列國，屈指一算，三十多年足迹遍近四十個國家。九四年，女友誓要來港工作，他忍着淚離開工作多年的藝術聖地西班牙來港做工程師興建青馬大橋。兩年前，正值與女友分手，便接手經營大嶼山塘福村的一間酒吧。
初期主力是賣酒給居住在大嶼山的外國人，配搭一、兩款小食佐酒。數月前，一間專門提供香港五星級酒店的食物供應商，入到塘福與他接洽。碰巧這機會，在自小便受入廚了得的祖母影響下，一嘗做大廚滋味，幾經研究下，全新菜式終於本星期正式推出，David更說這些BBQ食物質素同半島不相伯仲，小記已證實此言非虛！
高檔BBQ大大碟
餐廳位處僻靜的塘福村，勿以為路程遠又入高檔貨，價錢自然貴，原來居住芝麻灣的David每天都親自駕車運載食物返餐廳，加上餐廳連他只得三人，租金成本低，而且大大碟完全外國級數，當然食到捧腹而回。
有羊肉、紅椒同洋葱做餡料的辣椒羊腸，加上David一邊燒一邊加辣椒汁，其實都幾辣！
菲律賓人Jun：「好鬼辣，但食一條就可以飲到三大杯啤酒，It'sgood！」
盛產鮮蠔的南澳洲塔斯曼尼亞Tasmania亦出產靚牛，兩吋厚切成圓形，David話全熟會令外層又乾又韌，半成熟就啱啱好。
家住塘福，每天都來食晚飯的Jeremy：「肉汁自然流出，又唔太生，上碟時重有吱吱聲。」
雖然峇里受到襲擊，但當地特產鱈魚每日仍新鮮運抵香港，David一邊燒烤一邊不停咁加蒜茸汁，醬汁便可完全滲入本身無味嘅魚肉內。
要減肥的Grace：「鱈魚脂肪低，David又用橄欖油嚟燒，KeepFit最啱。」
蟹拑及蟹腳的肉爽甜又彈牙，因他們常活在天氣寒冷的愛爾蘭，冰凍的海水間接令肌肉結實又富彈性。
九龍灣工作的工程師Steve：「第一次用開蟹器扑開個蟹蓋，然後一嚿嚿蟹膏叉住食，記得邊蘸蒜汁同辣汁一齊食，正！」
記者
小記一望菜牌，見到TigerPrawns就問David：「蝦有幾大？」他說一般都有近七、八吋長，曾經試過有一呎長的蝦，咪以為是外國貨，原來出自長洲內海。味道又酸又辣，食完啲肉都要啜啜隻手指！
除用特色蒜茸汁外，還加上不少薄荷葉及汁料，吃時不用太斯文，用齊兩隻手捉實兩條骨係咁咬就最開心。
決定做BBQ食物，主要因為原本只做酒吧的廚房太細，覺得最有Feel是在露天座位旁做個燒烤爐，邊叫邊燒，最大好處是可肆意運用其精心炮製的特色燒烤醬。以往做BBQ，不外是燒熟羊牛雞豬肉，再塗上味濃又鹹的燒烤醬便是，但滿口食經的David卻不會如此待薄客人，自製兩款醬汁。每逢星期一，餐廳休息的日子，就在家中自製兩款醬汁，有用橄欖油、鮮檸檬汁及蒜茸的香蒜汁；另一款是檸檬汁、辣椒、橄欖油的辣味醬。
TheGallery
電話：29802582
地址：大嶼山塘福村26號
營業時間：6:00pm-1:00am（星期三至日）
交通：從梅窩乘1號或從東涌乘11號巴士於塘福村落