對於八十六歲老翁游藝來說，新居二百多呎的公屋單位，已是夢寐以求的安樂窩。「唔使周圍住，有自己嘅地方，我已經好滿足。」游伯一生孤苦，原籍廣東新會，隻身在港謀生，曾從事多種行業，退休前為酒家收銀員。「我做到七十五歲先退休，冇辦法啦，本來都儲到個錢，但最衰被人呃晒！」患有初期老年癡呆症的游伯慨歎晚年遇人不淑，被騙去畢生「棺材本」，現被迫依靠綜援金過活。
退休後的游伯，由於居無定所，早前在街坊協助下向房屋署申請編配公屋，近日獲派一個位於市區的長者單位，開展新生活。
「搬嚟嘅時候，乜都冇，啲家具、電器，都係啲街坊逐樣逐樣幫我執。」游伯稱，現時基本的家具已齊備，只欠電視、雪櫃及單頭石油氣煮食爐。
游伯不良於行，加上容易迷路，故甚少外出，因此他十分渴望有一部電視機解悶。「平日都冇乜嘢做，望住四面牆，唔係食就係瞓，好悶。」游伯無奈歎道。
游伯雖然獲社會福利署發放搬遷津貼，但因金額有限，不足以支付所有雜費按金，蘋果日報遂撥款一千五百元，紓緩他的經濟壓力。
捐款編號：C0734
暖流熱線
電話:29908688
傳真:23702192
電郵:
網址：