前兩日有個「太湖明珠長興縣」投資推介會，八方發現祖籍福建嘅亞視主席黃保欣都在座。講到人大選舉，保欣叔喺開始登記第三日，已經拿拿臨去攞咗參選表，雖然李嘉誠同查濟民已經畀咗提名表佢，不過佢話想收集多啲提名先報名。坐喺保欣叔隔籬嘅中銀國際副董事長林廣兆，聽到即刻喺西裝袋取出一張粉紅色嘅提名表，即席填上保欣叔嘅名。
講番呢個長興縣，距離上海百六公里，盛產銀杏、揚子鰐同大閘蟹。會場派發嘅「投資資訊」印刷精美，內容豐富，估唔到小小一個縣都咁瞓身催谷經濟，真係唔可以睇小。
（圖）保欣叔（左）去推介會，攞到林廣兆嘅提名去選人大。
傳真︰2623-9278
電郵︰