《基本法》二十三條立法諮詢咗咁耐，保安局局長葉劉淑儀全力死撐，但冇癮時間亦唔少，前排喺城大俾班學生噓到佢暈。噚日葉太再度出擊，朝早喺記協又俾班鬼佬記者問到口窒窒，頂住度氣。
不過下晝就唔同，佢去到左派教聯會搞嘅二十三條諮詢大會，現場有成四五百位知音，教聯會重特別用佢嘅芳名「淑儀」起咗兩句對聯：「淑均弘揚法制保、儀範躬行社稷安」，擦到葉劉對鞋「立立令」，會長楊耀忠更親自上台送畀佢，搞到葉太鬼咁high，時間夠晒都唔肯走，幾乎以為自己真係做咗民族大英雄咁，重威過岳飛。
（圖）楊耀忠代表教聯會送咗幅對聯畀葉太。
傳真︰2623-9278
電郵︰