社交圈中好多名人近年轉向低調，不過好彩有唔少新人接棒，好似曾經同唔少聰明靚女好似黎姿、金朝陽太子女陳慧苓拍過拖嘅龐維新咁，結婚生仔浪接浪。 一拖三行街 我早排行過中環置地廣場，就見到龐維新一拖三女行街，點解咁公然？睇真啲原來係同媽咪、老婆、弟婦shopping。 龐維新嘅新婚太太Helena非常活潑，一路行，一路紮紮跳，十足十細路女。Helena啱啱有咗幾個月身孕，雖然未見肚，但係都係小心啲好。