噚日中共召開十六大，香港傳媒爭相直播，不過呢類開幕禮、領導人發言通常悶到抽筋，電視台惟有絞盡腦汁，搵評論員分析吓，等個節目更加有吸引力。
無綫噚日就搵咗港區全國人大代表李鵬飛分析江澤民講話，以飛哥功力，自然係易如反掌，但江湖流傳飛哥喺節目入面講話特首做得唔好就要換人，咁咪即係明郁老董？八方急急搵飛哥問個究竟。
飛哥喺電話另一邊傳來哈哈大笑：「你哋做乜傳咁樣嘅消息？唔好將你哋主觀意願當係我講喎！」飛哥誓神劈願冇講過，重話唔知點解會有咁多人傳，搞到不停有老記搵佢。講真，或者真係好多人想飛哥主持吓正義，講出大家心底話！
傳真︰2623-9278
電郵︰