香港科技大學噚日頒授榮譽博士學位畀四個猛人，其中一個係中國證監會副主席查史美倫，查太作為出任最高級京官嘅港人，得到呢個榮譽都好應該。
科大噚日喺讚詞中都話查太被中港傳媒稱為「鐵娘子」，原來另一個中港女強人、誠哥紅顏知己周凱旋亦專登嚟為查太贈興。不過，八方問佢點識查太同識咗幾耐，周小姐就一概唔答，原來要一樣咁口密先至可以成為密友。
查太一向低調係人都知，原來呢樣嘢會感染全家。佢個跟得先生查懋成噚日攞住部相機猛咁幫老婆影相。但八方叫查生查太齊齊影張相，佢就耍手擰頭係咁走。
連查太個乖仔小查都一味淨係識笑，呢個家族果然低調。
（圖）周凱旋同查史美倫係密友，查太獲頒榮譽博士學位，當然要賀吓啦！
傳真︰2623-9278
電郵︰