相信大家都知道，備受全球車迷注目嘅Smart將會在本港正式推出，代理響今個周末，重會喺金鐘太古廣場舉行車展㖭！場內除咗會展出多部Smart新車外，同場亦會展出不少同Smart有關嘅精品或潮流服飾，供車迷參觀選購；今日我哋特別為大家，挑選咗其中幾款精品作介紹，無論實用與玩樂都有，但由於部份精品暫未有定價，故此有興趣嘅朋友，不妨趁住車展期間，到會場參觀及向職員查詢喇！
記者：鄭達基
攝影：林栢鈞
產品提供：Smart-HongKong（34288666）
響車展會場上，大家除可一睹Smart嘅風采同埋多款精品外，場內亦展出咗一部經由Brabus改裝嘅SmartCabrio，同樣備受注目；此車不但換裝有全車包圍外，另外重有四輪闊大跑車合金軨、跑車尾喉等等，望落真係好似成部小跑車咁㗎！車內亦換裝上跑車座椅組合，加上碳纖維裝飾，可謂跑味十足；再者，引擎經Brabus調校後，馬力輸出更增至70匹，匹配一套6前速Sequential半自動波箱，性能表現明顯較普通版來得更出色。有興趣嘅朋友，就要趁住呢個周末去車展會場參觀喇！